teny Malagasy

Ekenay , ankatoavinay,takianay ny fahafahana milaza ny fiarovana ny zo –hilaza sy ny zo-hihaino.
Takianay ny zon’ny isam-batan’olona sy ny daholo-be hanana ny fitaovana filazana sy fampielezana rehetra.
Noho izany, ihezahanay homena izany fitaovana izany izay rehetra te-hampilaza ary koa izay te-hihaino azy ireo.
Noho ny fandrosoana ara-tekinika ankehitriny,tsy ampelatanan’ireo vitsy an’isa irery intsony ny fitaovana famoahana sy fampielezana. Tsy voa-gejan’izy ireo intsony ny fahafahana misaina, miteny, mifandray sy mifanakalo hevitra. Tsy azon’ny mpitondra sy manam-pahefana ferana intsony koa izany fahafahana izany.
Zon’ny tsirairay izao ny fahafahana manoratra ; zon’ny tsirairay ny mitantara izay tiany ho tantaraina amin’izao tontolo izao.
Ihezahanay ny fanorenana teteza-mita hampifandray ny olona, hihoatra ny fefy sy antsana ara-koltoraly sy ara-pitenenana mampisaraka azy ireo,hifankalalany kokoa.
Ihezahanay ny hampivelatra sy hanamafy ny fiaraha-miasa,hitomboan’ny vokatry ny asa.

Inoanay tokoa fa ny fifandraisana mivantana no lalam-pahombiazana. Ny fehim-pifandraisana ny teran-tany samihafa fihaviana dia manana hery manokana, ho an’ny tsirairay sy ara-politika, mahery vaika tokoa.
Inoanay marimarina fa ny adi-hevitra mihoatra ny faritrin’ny tany isan’isany no fitaovana mahomby indrindra hanorenana ampitso vaovao, hanjakan’ny fahafahana sy ny rariny, hamokarana arena maharitra sy marim-pototra.
Na miasa sy misaina ary miteny amin’ny fomba samihafa ara-pihaviana aza izahay, ny zo sy zava-kendrena kosa no itambarana:
Ny teny ierana dia ny hifanaja, hifanampy, hifampihaino, hifampianatra.

IZAHAY NO “FEON’ IZAO TONTOLO IZAO”